祈禱文/李鴻政

天父上帝,佇阮的人生裡面,

你互阮看見阮原本是罪人。

佇阮的生命中,和人握手,心裡並沒有關心;

阮面帶笑容,卻沒有真實的喜樂。

阮歡喜唱歌之時,心裡並沒感恩;

阮悲傷啼哭之時,心裡也沒有懺悔。

阮服事你,卻不瞭解犧牲的意義;

阮奉獻自己,卻不明白什麼是赦免別人。

阮大聲見證福音,卻不知你的謙卑;

阮雖然靜靜不講話,心內也沒安息。

主啊!為著阮這款犯罪的生命,求你憐憫阮!

主,總是你知阮是這款的生命,猶原愛阮、幫助阮、等候阮。

希望阮有一日回心轉意,越頭來找求你的面。

阮要深深感謝你,因為你的愛贏過阮心中攏總的歹!

主,因為安呢,阮要盡阮一生的生命來榮耀你。

不若是因為阮的富有,為阮所擁有一切的恩賜;

也佇阮喪鄉、悲傷,一無所有之時,阮猶原要盡所有來讚美你。

主啊!什麼款的讚美是你所歡喜的?

你曾給阮講:「耶和華愛你什麼?

獨獨愛你行公義、心存憐憫、謙卑及你的上帝相及行。」

主啊!這要成做阮的讚美,阮一生也要安呢來順趁你,求你幫助阮。

奉主耶穌基督聖名祈求。阿們!

評論: 0 | 引用: 0 | 閱讀: 2469