祝賀郭榮彬長老百歲生日／東俊卿

特此獻上小詩以茲同樂

上帝恩典真正大，
赦罪賜福求永活，
聖經真理用心聽，
撒旦試煉袂較贏。

榮彬長老主所疼，
信仰堅定綴主行，
真情事奉有名聲，
行好見證光主名。

人生百歲主所定，
憂愁擘腹攏著行，
耶穌真理認真聽，
前途猶原主同行。

當伊舉頭叫主名，
求主俯落耳空聽，
願主親自扶持行，
步步向前無驚惶。

郭長老是咱序大，
留落濟濟媠腳跡，
若欲學習徛予倚，
望主賜福得永活。